18 ka mga nagkumpanyar pilason sang nagtakilid ang ginasakyan nga jeep sa Alimodian
Naka-agum sang pilas kag bagras sa lawas kag nagreklamo sang pagpalanakit sang likod ang 18 ka mga sakay sang depasahero nga jeep sang nadisgrasya sa Brgy. Pajo, Alimodian las-11:45 kaina sang aga.
Suno kay PSSgt. Marlon Ladera, imbestigador sang Alimodian Municipal Police station nagkumpanyar ang mga pasahero kag papuli na kun tani.
Base sa pag-imbestigar sang police, naglamsot ang preno sang jeep sa dulhugon nga porsyon sang dalan rason nga ginbunggo na lang sang driver sa higad sang kalsada.
Nagtakilid ang jeep pero maswerte nga wala sang napilpilan sa mga sakay, suno sa police.
May mga pasahero man nga nakapungko sa atop sang jeep, suno kay Ladera.
Gilayon nga ginpangdala sa Aleosan District Hospital ang mga pasahero. — via Aksyon Marvin Malificiar
