Grand Homecoming Parade ginaplanuhan na sang Leon LGU para kay Miss Eco International Philippines Alexie Brooks
ILOILO — Ginaplanuhan na nanday Leon Mayor Ma. Lina Holipas upod ang Sangguniang Bayan sang Leon ang himuon nga Grand Homecoming Parade para kay Alexie Caimoso Brooks.
Si Brooks ginkoronahan bilang Miss Eco International Philippines sa bag-o lang natapos nga Miss Universe Philippines pageant sa MOA Arena kagab-i.
Suno kay Mayor Holipas, nakahanda nga magsuporta sa himuon nga grand homecoming kanday Iloilo 2nd District Representative Michael Gorriceta nga nag-upod man sa paglantaw sang coronation kagab-i.
Nakasuporta man ang mga alkalde sang kaiping nga mga banwa sang Leon, suno kay Holipas.
Wala pa mahibaluan kun san-o himuon ang grand homecoming para kay Brooks pero preparahan sang daku sang Leon LGU ang caravan kag programa, dugang pa ni Holipas.
Si Brooks nga nagtapos sa top 10 sa Miss Universe Philippines pageant ang mangin tiglawas sang pungsod para sa Miss Eco International pageant sa masunod nga tuig sa Egypt. — via Aksyon Marvin Malificiar
