Laborer patay sang gintiro sang upod sa ilimnan sa Janiuay

ILOILO — Pilas sa dughan ang naagum sang 31-anyos nga laborer sang gintiro sa Brgy. Canauili, Janiuay pasado las-8:30 kagab-i, Mayo 22.

Ginkilala ang biktima kay Igne Dago, samtang ang suspek ginkilala kay Roy Germinado.

Suno kay Police Captain Alwyn Salmon, hepe sang Janiuay Municipal Police Station, nag-inum inom ang biktima sa balay sang suspek.

Tungod yara sa impluwensiya sang makahulubog nga ilimnon ang duha, ginpahayag sang police nga may pagbinaisay nga natabo tubtob gintiro sang suspek ang biktima.

Dead-on-arrival sang gindala sa ospital ang biktima suno sa police.

Las-11 na sang gab-i na-report sa police ang insidente tungod malayo ang lugar kag wala sang signal.

Nag-surrender ang suspek kag na-recover sang police ang 12-gauge long firearm.

Detained sa custodial facility sang Janiuay police station ang suspek. — via Aksyon Paula Elambayo