Alyansa sang National Unity Party kag Partido Federal ng Pilipinas gina-schedule na — NUP VP for Special Concerns, Iloilo City Mayor Jerry Treñas

Makig-alyansa ang National Unity Party sa Partido Federal ng Pilipinas para sa 2025 midterm elections.

Ini ang ginkumpirmar ni NUP Vice President for Special Concerns, Iloilo City Mayor Jerry Treñas.

Suno kay Treñas, gina-schedule na sang matag-as nga opisyal sang NUP ang alliance signing ceremony.

Nahibaluan nga nangin bisita ang alkalde sa mass oath-taking ceremony sang PFP sa siyudad kahapon, Hunyo 2 sa diin masobra 800 ka mga local politicians halin sa Iloilo province, Iloilo CIty, Guimaras kag Negros Occidental ang nagsumpa lakip na ang bata ni Mayor Treñas nga si Councilor Miguel Treñas.

Wala naman nagsumpa ang isa pa ka bata sang alkalde nga si Executive Asst. Raisa Treñas-Chu nga mapadalagan sa pagka-Congresswoman sa Iloilo City sa masunod nga eleksyon, apang ginkumpirmar ni Mayor Treñas nga sa NUP masumpa si Raisa.

Ang PFP amo ang political party ni President Ferdinand Marcos, Jr. Nauna na ini nga nakig-alyansa sa Nationalist People’s Coalition kag Lakas-CMD. — via Aksyon Justice Savannah Pamplona