Masobra P1 milion nga balor sang suspected shabu na-recover sa ginakabig daku nga supplier sa City Proper

ILOILO CITY — Na-recover ang P1,020,000 nga balor sang suspected shabu sa ginakabig daku nga supplier sang illegal nga druga sa Rizal Pala-Pala II, kahapon, Hunyo 9.

Suno kay Police Captain Roque Gimeno III, hepe sang City Proper Police Station, madugay na nila nga gina-monitor ang subject nga ginkilala kay alyas Jiji pero nabudlayan sila sa pagdakup tungod ang mga masaligan lang niya nga indibidwal ang iya ginapasugtan mag-transaksyon.

Dugang pa ni Captain Gimeno, yara sa listahan sang Barangay Anti-Drug Abuse Council (BADAC) ang ngalan ni alyas Jiji kag nakaagi man preso sa kaso may kaangtanan sa illegal nga druga.

Nakuhaan ang subject sang 11 ka sachets kag duha ka dalagko nga putos sang suspected shabu nga ginabanta nagabug-at sang 150 grams. — via Aksyon Maria Kayla Tingzon