Government worker patay na sang nasapwan sa iya apartment sa Jaro

ILOILO CITY —Nagakayaon sa salog ang ginabanta 40-anyos nga LGBTQ member sang nasapwan patay sa Jalandoni Street, Our Lady of Lourdes, Jaro kahapon sang hapon, Hunyo 14.

Suno kay Punong Barangay Leo Lindero, taga-Maasin ang nasapwan nga si Vic, government employee, kag mga 20 ka tuig na nga naga-board sa amo nga apartment.

Ginpahayag man ni Lindero nga masami may mga lalaki nga nagakadto sa apartment ni alyas Vic.

May pilas sang pagkalampos sa ulo ang biktima.

Sa subong, nagapadayon ang imbestigasyon sang mga pulis kasunod sang impormasyon nga may lalaki nga na-capture sa CCTV camera nga naghalin sa apartment sang biktima sang Hunyo 13 sang aga. Nakita ang lalaki nga nagsakay sa motorsiklo sang biktima. —via Maria Kayla Tingzon