First town jeepneys nagpatuman sang dry run sa dispatching system sa mga terminals para sa pagbukas sang klase sa tunga sang ginapatuman nga ELPTRP

ILOILO CITY — Nagpatuman sang dry run subong nga adlaw ang mga first town jeepney units para sa ipatuman nga dispatching system sa mga terminals may kaangtanan sa natalana nga pagbukas sang klase.

Ginpahayag ni Mr. Perfecto Yap, consultant sang Western Visayas Alliance of Transport Cooperatives and Corporation, Inc. (WVATCCI), katuyuan sini nga mahibaluan ang numero sang mga jeepney units nga maga-cater sa mga pasahero pasulod kag paguwa sa siyudad samtang ginapatuman ang Enhanced Local Public Transport Route Plan (ELPTRP).

Iga-monitor suno sa iya sang Iloilo CIty Traffic and Transportation Management Office (TTMO) ang dry run kag suportado man ini sang local government unit sang Leganes, Pavia, Oton kag San Miguel.

Ginpasiguro naman ni Yap nga bastante ang mga consolidated units sang alyansa nga magabiyahe sa pagbukas sang klase.

Handa man ang alyansa nga mag-augment sa mga ruta nga kulang ang nagabiyahe nga jeepney units.