Driver sang motorsiklo nga nag-hit and run sa 5 ka tuig nga bata sa La Paz nag-surrender
ILOILO CITY — Nag-surrender subong nga kaagahon ang driver sang motorsiklo nga nakabunggo sa lima ka tuig nga bata nga lalaki sa atubang sang Palmares building, Brgy. Magsaysay Village, La Paz las-5 kahapon sang hapon,
Suno sa iloy sang bata, ginpahibalo lang sila sang imbestigador sang La Paz Police Station nga nagsungka na ang driver sang motorsiklo.
Nagpangayo sang bulig sa barangay official sang Nabitasan, La Paz ang driver para magsungka sa La Paz Police Station.
Una nga ginpahayag ni Iloilo City Police Office Spokesperson Major Shella Mae Sangrines nga manugtabok na kun tani ang bata sang nalab-ut sang motorsiklo nga naglabay.
Wala nagdulog ang motorsiklo bisan ginlagas na sang tatay kag iban pa nga mga pumuluyo.
Yara subong sa West Visayas State University Medical Center ang biktima.
Nagapasalamat ang iloy sang bata sa mga nagbulig palapta sang impormasyon agud makahibalo ang driver sang motorsiklo.
Wala pa nakapaathag ang driver sang motorsiklo sang matuod nga natabo. — via Aksyon Farrah Mae Morano
