Pamilya ni former PB Ernie Poral nagapati nga may mastermind sa pagpatay sa iya

ILOILO CITY — Nagapati ang pamilya ni former Ingore, La Paz Punong Barangay Ernie Poral nga may mastermind sa likod sang pagpatay sa iya sa Brgy. Baldoza, La Paz sang Agosto 5.

Sa pagpati ni Karl nga bata ni Poral, daku nga tawo ang nagsugo sa lookout kag gunman nga patyon ang ila amay.

Nagapati man si Karl nga may kuwarta kag ikasarang ang sa likod sang pagpatay sa ila amay nga amo ang nag-finance sa mga suspek. Nagapamatuod diri, suno kay Karl, ang jacket nga suksok sang gunman nga malahalon kun tulukon.

Ginakabig naman sang pamilya nga daku nga development sa kaso ang pagkadakop kay Nilo Guardaya nga amo ang ginatudlo nga gunman.

Sa aspeto sang seguridad, nagapangaman ang pamilya Poral samtang ginasinggitan ang hustiya sa natabu sa anay Kapitan. — via Aksyon Paula Elambayo