Kwarto sa balay sa Sambag, Jaro nasunog

ILOILO CITY — Ginbuligan sang mga residente ang pagpalong sang kalayo sa nagakasunog nga kwarto sang balay sa Sambag, Jaro kagab-i, Agosto 13.

Nahamtang sa 2nd floor sang balay nga human sa mixed materials ang kwarto nga nasunog.

Suno kay Fire Officer 2 John Paquito Verano sang Iloilo City Fire Station, indi pa madeterminar ang ginhalinan sang sunog tungod padayon pa nila gina-imbestigaran.

Base sa initial nga pagpangusisa sang bombero, nakita nga nag-umpisa ang kalayo sa ibabaw sang plastic cabinet sa sulod sang kwarto kag naglapta lang.

Lakip sa mga nasunog ang foam, drawer, mga bayo kag iban pa nga personal nga kagamitan.

Gina-imbestigaran pa sang BFP ang insidente. — via Aksyon Farrah Mae Morano