Dengue outbreak gindeklarar sa Iloilo province
ILOILO — Nalab-ot na sang Iloilo Province ang epidemic kag alert level threshold sa dengue rason nga ginpaidalom na ang probinsiya sa outbreak.
Suno kay Governor Arthur Defensor, Jr. nalapawan na ang threshold base sa criteria sang Department of Health sa pagdeklarar sang outbreak.
Kadungan sini ang pag-issue man sang blue alert status sang Provincial Disaster Risk Reduction and Management Office.
Sa 32nd Morbidity week report sang Provincial Health, yara na sa 4,595 ka mga kaso sang dengue ang na-record sa bug-os nga probinsiya nga may 10 ka mga napatay, apat ang nalista nga mga bag-o nga napatay.
Mapaguwa sang dugang nga preventive measures si Gov. Defensor agud matapna ang pagtaas sang kaso sang dengue sa probinsiya. —via Cedrick Anona
