Tiil sang pulis nabali sang nakadanlog samtang nagalagas sa subject sa buy bust operation nga tuyo magpalagyo sa La Paz
ILOILO CITY— Nabali ang wala nga tiil sang operatiba sang Police Station 2 sa La Paz nga naglagas sa nagpalagyo nga subject sang drug buy bust operation sa Brgy. Caingin las-12:57 sang hapon, Setyembre 3.
Suno kay Police Captain Marlon Perez, hepe sang Police Station 2, gin-admit sa ospital ang operatiba nga nagaranggo Police Master Sergeant.
Ginpahayag ni Perez nga sang namutikan sang subject nga si alyas Badjao, 42-anyos, nga pulis ang iya katransaksyon, nagdalagan siya, nagtaklas sa babuyan kag naglumpat sa suba.
Naglibut ang mga operatiba kag ginlagas ang subject sakay sa motorsiklo, suno kay Captain Perez. Pero tungod sang madanlog nga lugar, nahulog ang operatiba sa motorsiklo kag natukod niya ang iya nga tiil rason nga naghabok. Napilasan man siya sa nawong.
Nadakpan naman ang subject, suno kay Major Perez. Gin-aresto man ang live-in partner sang subject nga si alyas Eunice, 30-anyos sang Railway, La Paz.
Na-recover sa operasyon ang 56 grams sang suspected shabu nga may standard drug price nga P380,000
Si Eunice, suno sa police, ang may contact sa supplier nila sang illegal nga druga kag si Badjao naman ang nagabulig sa pagbaligya. — via Aksyon Farrah Mae Morano
