8 ka balay sa Nanga, Guimbal naguba tungod sang dalagku nga balod

ILOILO– Walo tanan ka mga balay sa baybayon nga sakop sang Brgy. Nanga, Guimbal ang gin-report nga naguba tungod sang nadalagku nga balod dala sang habagat kahapon, Setyembre 14.

Sa report sang Guimbal MDRRMO, tatlo ang totally damaged samtang lima ang partially damaged nga mga balay.

Kalabanan sang mga naguba amo ang dingding kag porsyon sang balay nga malapit sa dagat.

Padayon naman ang pag-monitor sang MDRRMO kag Nanga Barangay Council sa mga apektado nga household. — via Aksyon Farrah Mae Morano