Councilor Sedfrey Cabaluna wala sang plano nga magtipyok sa iban nga linyada ukon partido

ILOILO CITY –Magapabilin sa linyada ni City Mayor Jerry Trenas si Iloilo City Councilor Sedrey Cabaluna para sa paalabuton nga 2025 midterm elections.

Suno sa konsehal, nakit-an niya ang mga gina-istoryahan sa social media nga mapadalagan siya bilang Vice Mayor sa linyada nanday Congresswoman Julienne “Jam-jam” Baronda apang gin-athag niya nga indi ini matuod.

Ginakabig niya man ini bilang rekognisyon sa iya nahimuan bilang konsehal nga posible nangin rason kun ngaa ginakonsiderar siya sang pumuluyo nga magpadalagan sa mas mataas nga posisyon.

Apang suno kay Councilor Cabaluna, indi pa siya handa sa subong para mag-uyat sang mas daku nga katungdanan. — via Aksyon Justice Savannah Pamplona