Mag-live in partner dakop sa drug buy bust operation sa Molo

ILOILO CITY — Na-recover ang 10 grams sang suspected shabu sa mag-live in partner nga nadakpan sa drug buy bust operation sa Zone 4 Brgy. North Baluarte, Molo kahapon, Setyembre 18.

Ginkilala ang nagkaladakpan kanday Ralph Balajadia, 49-anyos nga call center agent; kag Mercedita Gargar, 41-anyos sang amo man nga lugar.

Suno kay Captain Gimel Acuesta, hepe sang Molo Police Station, upod ang duha sa pagbaligya sang illegal nga druga.

Na-recover ang siyam ka sachets sang suspected shabu nga may standard drug price nga P68,000.

Sa Bakhaw, Mandurriao ginatudlo nagakuha sang supply sang illegal drugs ang duha. — via Aksyon Farrah Mae Morano