Ex-Mayor Jed Patrick Mabilog nag-abot sa siyudad sang Iloilo
ILOILO City — Naghugpa mga las 5 kaina sang kaagahon sa Iloilo Airport ang eroplano nga ginasakyan ni former Mayor Jed Patrick Mabilog upod ang iya suod nga abyan nga si Congresswoman Julienne Baronda.
Ini ang labing una nga tiun nga nagbisita sa siyudad ang anay alkalde makaligad ang pito ka tuig nga pagtenir sa abroad.
Halin sa airport, una nga nagbisita kag nagsimba si Mabilog sa Dominican Sisters sa Molo kag sunod nga nagsimba sa Molo Church sa diin ginsug-alaw siya sang iya madamo nga mga supporters kag mga abyan.
Subong nga adlaw ginasaulog ni Mabilog ang iya birthday, subong man sang iya kabataan.
Lakip sa mga nag-abi-abi kay Mabilog amo kanday former San Juan, Molo punong barangay Sipil Espinosa, City Councilor Urminico Baronda Jr., Javellana, Jaro punong barangay Julie Baronda, kag former GSO head Joren Sartorio.
Kaupod man sang anay alkalde kanday Executive Assistant Sheen Mabilog kag anay POSMO head Jeck Conlu.
