Mga menor-de-edad nga nagransak sa POSMO hatagan sang intervention program sang CSWDO; Mga ginikanan ma-community service sang isa ka bulan

Gintipon sang Iloilo City Social Welfare and Development Office ang mga menor-de-edad nga nagransak sa Public Order and Safety Management Office sang Setyembre 23.

Suno kay Mrs. Sarah Panelo, social worker Officer III sang CSWDO, na-istoryahan sa case conference kaina sang hapon kaupod sang mga ginikanan, barangay officials kag taga-Women and Children’s Protection Desk sang Police Station 1 ang pagdumili sa mga menor-de-edad nga maghampang malapit sa POSMO, sa downtown kag iban pa nga lugar nga indi kaupod ang ila mga ginikanan.

Ginahaylo man sang CSWDO ang suporta halin sa mga barangay officials sa pag-monitor sa mga menor-de-edad.

Samtang, magalawig sang isa ka bulan ang community service sang mga ginikanan sa barangay.

Matandaan nga lima ka menor ang nagransak sa POSMO kag nagkuha sang laptop kag iban pa nga gamit. Ang mga menor naga-edad sang siyam ka tuig, 10 ka tuig, 11 anyos, 13 anyos, kag 17 anyos. — via Aksyon Paula Elambayo