Aksyon Radyo Iloilo Operation Tulong sa Pagsanga-an, Pavia
ILOILO — Wala nakapugong ang ulan sa Operation Tulong team sang Aksyon Radyo Iloilo, MBC Media Group kag Unilab.
Ginpadulungan sang team subong nga aga ang Pagsanga-an, Pavia.
Nagpanghatag sang 235 dental kits sa mga day care pupils kag learners sang Pagsanga-an Elementary School.
Ang dental kits may unod nga baso, face towel, duha ka toothbrush, toothpaste, kag habon.
May mga pahampang nga gin-sponsor sang Unilab kag may mga bulong kag vitamins nga ginhatag sa mga learners kag ginikanan.
Nagpanghatag man sang snacks sa mga kabataan, ginikanan, kag teachers.
Samtang madamo ang nalipay sang gindala sang team ang Roleta sa Barangay sa diin ang mga nakapatiyog ang nagdaug sang cash kag Aksyon Radyo Iloilo merchandise items pareho sang payong kag bag.
May gin-turn over man nga anum ka electric fans, 14 ka basurahan, 12 ka dustpan, kag 12 ka silhig.
