Traffic and Transportation Management Office may anum ka konsepto nga ipatuman sa Tigkalalag 2025

Anum ka mga konsepto para sa palaabuton nga Tigkalalag 2025 ang himuon sang Iloilo City Traffic and Transportation Management Office.

Ini amo ang 1) paghanda sang traffic scheme sa mga dalan lapit sa patyo; 2) paghanda sang parking plan; 3) pagpatuman sang clearing operations para mahawanan ang dalan; 4) information dissemination para ma-alerto ang mga pumuluyo nga tuyo magpapatyo sa plastada sang traffic scheme kag parking; 5) pag-maximize sang deployment lakip na sang mga railings kag signages; kag 6) koordinasyon sa transport sector kag kooperasyon sa barangay ilabe na sa barangay police.

Suno kay Ret. Col. Uldarico Garbanzos, head sang TTMO, masugod ang ila deployment antes ang Nobyembre 1 kag magalawig tubtob Nobyembre 2. — via Aksyon Justice Savannah Pamplona