Athletics girls sang Iloilo province nakuha ang gold medal sa 4×100 relay sa Batang Pinoy National Championships sa Palawan

Gin-dominar sang mga Ilongga athletes ang 4X100-meter relay sang nakuha ang bulawan nga medalya sa nagapadayon nga Batang Pinoy National Championships sa Puerto Princesa City, Palawan.

Ginabug-usan nanday Princess Mae Lachica, Regiea Riza Sorongon, Elaine Pastrana and Eyena Dhawn Cabalfin ang Under-16 Athletics Girls sang Iloilo Province. Ginpiyerde nila ang taga-Dasmariñas City kag Leyte teams sa nasambit nga event.

Samtang, bronze medal naman ang nakuhna sang Under-16 Boys sa 4×100-meter relay.

Ang nasambit nga mga atleta, gina-coach ni Rey John delos Reyes kag Darryl Parreño.

Magalawig sa Nobyembre 29 ang isa sa mga pinakadaku nga sporting events sa pungsod nga ginapasakup sang nagkalain-lain nga local government units sa pungsod. — via Ray Cabarles/ FB