Balay, motorsiklo nasunog sa Burirao, Lambunao

ILOILO — Totally damaged ang balay ni Corazon Lavilla Lacuesta, 88-anyos sang nasunog sa Brgy. Burirao, Lambunao kaina sang udto.

Lakip sa nasunog ang motorsiklo.

Gindala sa ospital si Lacuesta tungod napaso sa iya likod.

Sa inisyal nga pagpangusisa, naga-ilis sa iya kwarto sa 2nd floor si Lacuesta sang nakita niya nga nagakalayo ang portion sang ila balay.

Naghingagaw nga makaguwa sa balay si Lacuesta tungod sang madasig nga pagdaku sang kalayo.

Padayon nga gina-imbestigaran sang mga bombero ang ginhalinan sang kalayo kag kun pila ang kahalitan sa sunog. — via ARI correspondent Jayson Subong