Kaso nga murder ipasaka batok sa lalaki nga nagpatay sa karelasyon sang iya anay live-in partner sa Lanag, Santa Barbara

ILOILO — Ginatipon pa sang Sta. Barbara police ang mga dokumento nga kinahanglanon agud mapasaka ang kaso batok kay Ronald Susbilla, suspek nga nagtiro kay Rodito Celiz Jr. sa Brgy. Lanag Sta. Barbara sang Pebrero 4.

Suno kay Police Captain Raphy Señeres, officer-in-charge sang Sta. Barbara Municipal Police Station, posible sa Biyernes mapasaka ang kaso nga murder pananglitan makumpleto na ang mga dokumento.

Una na nagaguwa sa imbestigasyon sang police nga pagpangimon ang motibo sa krimen.

Nagapabilin nga at-large ang suspek suno sa police.

Nagapanawagan naman ang pamilya ni Susbilla nga mag-surrender siya kag atubangon ang iya ginhimo.