Grand rally sang PDP Laban sa Iloilo City gin-reschedule sa Abril

Gin-reschedule sa Abril ang grand rally sang mga senatorial candidates sang Partido Demokratiko Pilipino ukon PDP Laban sa siyudad sang Iloilo nga hiwaton kuntani sa Sabado, Marso 1.

Ini ang ginkumpirmar ni Atty. Hansel Didulo, spokesperson sang Duterte Campaign Team.

Gin-athag ni Atty. Didulo nga may conflict sa schedule ni former President Rodrigo Duterte gani gin-reschedule ang ila aktibidad nga hiwaton kuntani sa La Paz Freedom Park.

Wala pa sang petsa kon san-o hiwaton ang grand rally sa Abril suno pa kay Atty. Didulo pero ginpasiguro niya nga madayon ini kag pangunahan sang anay presidente. — Source: AM Reports