Team Uswag nagpadulong sa simbahan sang Iglesia ni Cristo agud magpangayo sang suporta para sa 2025 midterm elections
ILOILO CITY — Nasiplatan sang Aksyon Radyo Iloilo News Team ang pag-abutan sang team uswag sa pagpanguna ni Mayoral aspirant Raisa Treñas-Chu sa simbahan sang Iglesia ni Cristo sa City Proper subong nga aga.
Ang Team Uswag ginabug-usan nanday Atty. Sedfrey Cabaluna, Alan Zaldivar, Atty. Romeo Duron, Nene Dela Llana, Atty. Rex Sarabia, Miguel Treñas, Lyndon Acap, Rudolph Ganzon, Atty. Shiela Olid, Mandrie Malabor kag Atty. Frances Parcon.
Gin-updan ni Iloilo City Mayor Jerry Treñas ang grupo.
Sa impormasyon nga nakuha sang Aksyon Radyo Iloilo, mangayo sang suporta ang grupo sa INC para sa 2025 local and national midterm elections sa Mayo. — Aksyon Cedrick Anona
