P2.3 million nga balor sang suspected shabu na-recover sa drug buy bust sa Balantang, Jaro
Masobra 2.3 million pesos nga balor sang suspected shabu ang na-recover sa drug buy bust operation sa 7th Street, Lawaan, Village, Brgy. Balantang, Jaro kahapon, Abril 2.
Nadakpan kanday Hazel Losare, 36-anyos, residente sang nasambit nga lugar nga main subject, kag Jose Ariel Brito, 41-anyos, sang Brgy. Palaypay, Anilao nga lunsay ginakabig nga high-value individual drug personalities.
Lakip sa mga recoveries, ang 26 ka sachets sang suspected shabu, apat ka naputos sa plastic nga suspected shabu; kag P5,500 pesos nga buy bust money.
Suno kay Police Captain Ryan Christ Inot, hepe sang City Drug Enforcement Unit, duha ka bulan nga gin-monitor ang illegal nga aktibidad sang subject antes ginhimo ang operasyon.
Base sa pagpangusisa sang kapulisan, may nagakadto nga riders sa balay ni Losare agud magkuha sang illegal nga druga rason nga gin-surveillance sang kapulisan.
NAGHALIN SA BJMP DUMANGAS ANG SUPPLY — CDEU
Nagahalin sa Bureau of Jail Management and Penology ukon BJMP – Dumangas District Jail ang source sang illegal drugs nga na-recover mga nadakpan sa buy bust operation sa Brgy. Balantang.
Ini ang ginbuyagyag ni Police Captain Ryan Christ Inot, chief sang Iloilo City Drug Enforcement Unit, base sa ila pagpangusisa sa subject.
Suno kay Inot, may ginmitlang nga ngalan ang subject nga amo ang nagapadala sa iya sang illegal items halin sa BJMP-Dumangas District Jail.
Na-identify na suno sa iya, source sang subject kag gina-verify na nila kon paano ginapadala ang illegal items.
Magluwas kay Lozare, nadakpan man si Jose Ariel Brito, 41, sang Brgy. Palaypay, Anilao nga lunsay ginakabig nga high-value individual drug personalities.
“THIS OPERATION SENDS A CLEAR MESSAGE—OUR CITY WILL NEVER AGAIN TOLERATE ILLEGAL DRUG ACTIVITIES” — MAYOR JERRY TREÑAS
Ginpanginbulahan ni Iloilo City Mayor Jerry Treñas ang CDEU sang Iloilo City Police (ICPO sa madinalag-on nga drug buy bust operation sa 7th Street, Lawaan Village, Brgy. Balantang, Jaro.
“This operation sends a clear message—our city will NEVER AGAIN tolerate illegal drug activities. We remain steadfast in our mission to protect every Ilonggo family and uphold the law,” base sa statement nga ginpaguwa ni Mayor Treñas.
Ginpasalamatan man sang alkalde ang pagpanikasog sang kapulisan nga mapunggan ang pagdata sang illegal nga druga sa siyudad.
Kaupod ang CDEU nga naghimo sang operasyon ang Regional Police Drug Enforcement Unit (RPDEU). — Aksyon Paula Elambayo/Marvin Malificiar
