Mga traffic violators nga wala nag-settle sang penalidad ginpasakaan sang kaso sang TTMO

ILOILO CITY—Ginpasakaan sang kaso sang Iloilo City Traffic and Transportation Management Office sa City Prosecutor’s Office ang mga traffic violators nga wala nag-settle sang ila penalidad sa City Treasurer’s Office.

Lakip sa mga violations ang Disregarding Traffic Signages, No Helmet, Colorum, On Road Parking, Clamping, kag Obstruction.

Suno kay Ret. Col. Uldarico Garbanzos, head sang TTMO nga ini ang labing una nga kahigayunan nga nagpasaka sang kaso ang iya opisina sa mga traffic violators.

Ginpabutyag ni Garbanzos nga ini nga tikang sang iya opisina nagapakita sang seryoso nga warning sa mga traffic violators nga i-settle ang ila penalidad sa city hall.

Una pa lang ini nga hugnat sang pagpasaka sang kaso sang TTMO, kag may masunod pa dugang pa ni Garbanzos. — Aksyon Marvin Malificiar