Nobya patay sang nahulog samtang naga-angkas sa motorsiklo sang iya nobyo sa Concepcion, Iloilo

ILOILO — Patay ang menor-de-edad nga babaye sang nahulog sa ginasakyan nga motorsiklo sa Brgy. Macalbang, Concepcion kahapon, Abril 3.

Suno kay Police Corporal Elcid Bandianon, imbestigador sang Concepcion Municipal Police Station, lunsay nga menor-de-edad ang duha ka babaye nga angkas kag ang driver nga lalaki.

Idul-ong kuntani sang driver ang biktima nga iya nobya sa ila balay.

Pag-abot sa may buho-buho nga porsyon sang dalan, nag-umpok ang motorsiklo rason nga nahulog ang angkas sa likod.

Posible madasig ang pagpadalagan sang driver suno sa police.

Gindala sa ospital ang nobya pero gindeklarar nga dead-on-arrival. — Aksyon Paula Elambayo