Drug surrenderer kag iya abyan nadakpan sa drug bust operation sa Dingle
ILOILO — Nakuha sa high value individual drug personality ang masobra P400,000 nga balor sang suspected shabu sa drug buy bust operation sa Barangay Poblacion, Dingle kahapon sang hapon.
Suno kay Police Captain Alwin Salmon, hepe sang Dingle Municipal Police Station, wala nagatiner sa banwa ang maina subject nga si alyas Kevin, 22-anyos, tungod nagalab-ut man siya sa Iloilo City sa pagbaligya sang illegal nga druga.
Dugang ni Salmon sa siyudad man ginakuha sang subject ang supply sang illegal nga druga nga iya ginabaligya.
Dakup man sa operasyon ang iya abyan nga si alyas John, 27-anyos nga taga-San Jose, Dingle.
Ginpahayag ni Salmon nga tokhang surrender si Kevin kag natapos na ang iya Community-Based Drug Rehabilitation Program (CBDRP) pero liwat nga nagbalik sa pag-engage sa illegal drug activities.
Nakuha sa subjects ang ginabanta 60 grams sang suspected shabu nga may standard drug price nga P408,000 — Aksyon Maria Kayla Tingzon
