48 ka mga pantyon nagkalatiphag sa Tanza Cemetery; mga tul-an “secured” suno sa GSO

ILOILO CITY – Nagkalatiphag ang 48 ka mga pantyon sa Tanza Cemetery kagab-i, ini base sa record sang General Services Office sang Iloilo City Government.

Suno kay Engr. Neil Ravena, head sang GSO, gilayon nga ginhimos sang maayo ang mga tul-an halin sa mga nagkalatiphag nga pantyon agud ma-secure.

Kon matandaan, madugay na nga plano sang GSO ang pag-demolish sa mga pantyon tungod gabok na kag delikado sa mga nagabisita ilabe na sa tion sang Piyesta Minatay. Ang mga tul-an halin sa daan nga pantyon ang isaylo sa bag-o nga mga pantyon sang Iloilo City Government.

For rehabilitation na kuntani ang mga pantyon pero may mga dokumento nga kinahanglan pa sa pagproseso, suno kay Ravena.

Ginpasiguro ni Ravena nga nahimos sang maayo ang mga tul-an tungod makabig nga “health hazard” sa mga pumuluyo nga naga-istar malapit sa patyo.