5 dakup lakip ang dismissed police sa drug buy bust operation sa Pototan; Masobra ₱2.8 million nga balor sang suspected shabu na-recover

ILOILO—- Lima ang na-aresto sang kapulisan sa drug buy bust operation sa Brgy. Cahaguikican, Pototan subong nga hapon.

Lakip sa nadakpan kanday alyas Garry, 46-anyos; alyas Rolly, 47-anyos nga dismissed police; alyas Bert, 48-anyos; alyas Warren, 23-anyos nga lunsay residente sang Brgy Cahaguikican, Pototan; kag alyas Nick, 37-anyos nga seafarer sang Brgy Cabalabaguan, Mina.

Na-recover ang tatlo ka magagmay nga sachets sang suspected shabu kag duha ka knot tied sizes sachet sang suspended shabu.

Nagabug-at sang ginabanta 415 grams ang na-recover nga illegal drugs kag may Standard Drug Price nga P2,228,000.

Gin-conduct ang operasyon sang Provincial Drug Enforcement Unit (PDEU).