ILOILO—- Tungod sang kahulugbon, ginbuno sang 25-anyos nga laborer ang iya upod sa ilimnan sa Brgy. Brgy. Maribong, Lambunao kagab-i.
Ginkilala ang biktima kay alyas Gar, 33-anyos, samtang suspek si alyas Rick, 25-anyos.
Base sa report, upod nga nag-inum-inom ang suspek kag ang biktima tubtob nagbaisay.
Gin-report nga una nga ginlabo sang biktima ang suspek nga naigo sa wala nga abaga.
Nagpauli ang suspek kag nagbalik nga may dala na nga kutsilyo kag ginbuno sa dughan ang biktima.
Pareho nga gindala sa Calinog District Hospital ang duha pero napatay samtang ginabulong ang bitkima.
