ILOILO —Patay ang 84-anyos nga babaye sang nasunog ang iya balay sa Barangay Dangulaan, Anilao kagab-i.
Suno kay Senior Fire Officer 3 Roberto Bondad, Acting Municipal Fire Marshall sang Anilao Bureau of Fire Protection, naga-isahanon lang si alyas Thelma sa iya balay.
Nakit-an ang bangkay ni Thelma sa katre sa iya kuwarto.
Base sa imbestigasyon sang BFP, partially damaged ang balay tungod ang kuwarto lang ang nasunog kag wala na malab-ot ang sala kag kusina.
Sa subong, padayon pa ang imbestigasyon sang mga bombero agud matumod ang ginhalinan sang kalayo.
Ipa-autopsy naman sang pamilya ang bangkay ni Thelma. — Aksyon Angel Mae Ciudad
