85-anyos nga lola, ginpatay sang iya apo; corazon sang tigulang, ginkaun pa sang suspek!

Kabankalan City, Negros Occidental–Ginpatay sang apo ang iya 85-anyos nga lola sa Purok Kabukiran, Barangay Tapi kahapon.

Ginkilala ni Supt. German Garbosa, hepe sang Kabankalan City PNP, ang biktima kay Olivia Jalaman samtang ang suspek amo si Ruben Jalaman, 19-anyos. Suno kay Garbosa, ginbuno sang apo ang iya lola samtang nagakatulog gamit ang plamingko.

Ginlihap sang suspetsado ang dughan sang biktima kag ginkaon ang corazon.  Wawa na ang dughan sang biktima sang na-abtan sang mga pulis.

Sang ginpamangkot ang suspek matapos nadakpan, ginsabat sini nga trip lang sini nga patyon ang iya lola. Ipaidalum sa drug kag psychiatric tests si Ruben agud mahibaluan kon lalong ini sa illegal drugs sang ginhimo ang krimen. (Aine Grace Bravo)