Calinog Mayor Alex Centena, ginpasakaan sang kaso sa Ombudsman

Calinog, Iloilo–Ginpasakaan sang kaso nga paglapas sa Anti-Graft and Corrupt Practices Act sa Office of the Ombudsman si Mayor Alex Centena bangud sa gina-alegar illegal quarry operation sini sa banwa.

Gin-file ang kaso ni anay Municipal Engineer Jose Ediso Enriquez nga nag-alegar nga naga-operate sang quarry ang alkalde nga wala sang permit halin sa Provincial Environment and Natural Resources Office (PENRO). Unfair suno kay Enriquez para sa mga lehitimo nga quarry operators ang ginahimo sang alkalde bangud nagabayad sila sa gobyerno.

Ginpa-athag ni Enriquez nga wala sang kahilabtanan sa pagsuspender sa iya bilang municipal engineer ang ginpasaka niya nga kaso batuk kay Centena. Indi man suno sa iya pamulitika ang pagpasaka niya sang kaso kag wala sang daku nga tawo nga nagsuporta sa iya. (Aine Grace Bravo)