Biyahe sang fastcraft Iloilo-Bacolod and vice versa, ginsuspender sang Iloilo Coast Guard bangud sang malain nga panahon

Iloilo City — Gin-suspender ang biyahe sang fastcraft Iloilo-Bacolod and vice versa bisan wala nag-anunsyar ang PAGASA nga may bagyo.

Suno kay Lieutenant Jomark Angue sang Coast Guard Iloilo, ala 1:45 sang hapon sang ginkanselar ang biyahe sang fastcraft bangud sang malain nga panahon.

Nagataas suno sa iya sang isa tubtub 2 ka metros ang balod samtang 40 tubtub 50 kilometros kada oras naman ang kabaskugon sang hangin kabangdanan ginkanselar ang biyahe.

Padayon naman ang biyahe sang pumpboat Iloilo-Guimaras ang vice versa apang obligado ang mga pasahero nga magsoksok sang life jacket. (JoMaque)