Update: Isa pa ka suspek sa pagpangawat sa Christine & Grace Pawnshop sa Passi City sang nagligad nga semana, nadakpan sa Carles

Iloilo — Natalana nga i-turnover sa Passi City Police Station si Glenn Ajeno, 20-anyos sang Cubay Lambunao, nga suspek sa pagpangawat sa Christine & Grace Pawnshop sa syudad nga ginapanag-iyahan sang pamilya Factura.

Nadakpan sang gintingub nga puwersa sang Carles kag Passi City PNP si Ajeno kaina sang udto sa balay sang pakaduha nga si Jolina Clemente sa Brgy. Cabilao Pequeño, Carles.

Isa si Ajeno nga nakit-an sa CCTV footage nga nagsulod sa pawnshop sa Passi City sang nagligad nga semana.

Ginbanta sa isa ka milyon ka pesos nga balor sang alahas kag P6,000 nga cash ang ginkawat sang mga suspetsado.

Gintudlo ni Ajeno nga yara sa upod sini nga si alyas Donald ang mga alahas.

Una na nga nadakpan kagab-i sang gintingub nga puwersa sang Pototan kag Passi City PNP ang tatlo ka mga suspek nga sa Rumbang Pototan nga sanday Ramil Ajeno, Remuel Lopez, 25-anyos nga Cubay Lambunao kag Ramona Panes, 49-anyos sang Rumbang, Pototan. (JoMaque)