Panay Electric Company, nagpaathag sa wala sang abiso nga brownout

Iloilo City — Natumba ang poste sang Panay Electric company ukon PECO sa Washington Street, Jaro rason sang blackout sa apat ka substation sa syudad.

Pa-athag ini ni Engr. Randy Pastolero, vice president for operations sang PECO.

Suno kay Pastolero, natumba ang poste bangud sa ginkutkot nga kanal malapit diri.

Ginpahayag  ni Pastolero nga wala gid nagpabalo ang DPWH sa kutkuton nga drainage gani plano nila nga magsulat sa ahensya agud magpangayo sang paathag.

Amat-amat man nga nabalik sang PECO ang power supply. (JoMaque)