Pangayaw nga Durugista sa San Miguel, Nadakpan!

San Miguel, Iloilo — Dakup sa buy bust operations sang gintingub nga puwersa sang San Miguel Municipal Anti-Illegal Drugs Task Force kag Special Operations Unit Alpha sang Iloilo Police Provincial Office ang pangayaw nga durugista sa Barangay San Antonio, San Miguel kagab-i.

Nabaklan sang P300 nga balor sang shabu si Jan Jan Ormeo, 24-anyos, tumandok sang Bata, Bacolod City kag temporaryo nga naga-istar sa Hibao-an, Pavia.

Narecover man kay Ormeo ang 7 ka sachets sang suspected shabu lakip na ang buybust item, buy bust money kag P3,200 nga cash.

Preso na si Ormeo sa karsel sang San Miguel Police Station. (JoMaque)