Guimaras-Iloilo Ferry Terminal, Pwede Maka-operate–Councilor R. Leone Gerochi

Iloilo City–Maka-operate ang Guimaras-Iloilo Ferry Terminal sa Parola area kon may business permit ang developer nga Double Dragon Properties Corporation.

Pahayag ini ni Councilor R. Leone Gerochi, chairman sang Committee on Public Utilities, kasunod sang pagbasura sang City Council sa resolution nga nagatuyo hatagan sang franchise ang Double Dragon agud maka-operate ang GIFT. Gintumod pa ni Gerochi ang opinion sang City Legal Office nga valid kag binding ang Joint Venture Agreement nga ginpirmahan sang city government kag Double Dragon gani indi na kinahanglan nga maghatag sang separado nga franchise agud mag-operate ang ferry terminal.

Kinahanglan naman suno kay Gerochi ang Memorandum of Agreement kon abagahon sang Sia Family/Injap Group ang 11 pesos nga terminal fee sa GIFT agud may kasigaruhan ang mga pasahero nga makagamit sang libre nga facilities.

Wala gihapon sang nagagamit sang GIFT matapos ginkwestyun sang Guimaras Provincial Government ang pila ka probisyon sa JVA pareho sang 11 pesos nga terminal fee kag ang pagpasirado sang Ortiz kag Parola Wharves. (AGB)