PDEA 6 identified Drug group leader Melvin Odicta kag Ginatudlo Drug Lord nga si Kerwin Espinosa, Komfirmado nga may Koneksyon sa Illegal drug trade

Albuera, Leyte — Mag-abyan si PDEA 6 identified drug group leader Melvin Odicta kag ginatudlo drug lord sa Albuera Leyte nga si Kerwin Espinosa.

Suno kay Chief Inspector Jovy Espinido, hepe sang Albuera Police Station, mag-abyan sanday Odicta kag Espinosa bangud pareho ang nature sang ila negosyo sa amo ang poagbaligya sang illegal nga druga.

Suno sa iya, pareho nga may posisyon sa drugs sa idalum sang ginatudlo drug lord nga si Peter Lim ang duha.

Nagakuha sang supply si Odicta kay Espinosa kun gina-istrikto sang Manila ang pagpasulod sang illegal nga druga kag ginbapaagi sa iban nga rehiyon.

Si Kerwin ang ginpa-surrender sang iya amay nga si Albuera Leyte Mayor Rolando Espinosa matapos nagsurrender kay PNP Chief Director General Ronald Bato Dela Rosa sa Campo Delgado.

Si Melvin kag asawa sini nga si Meriam ang gintiro patay sa Caticlan Jetty Port sa Malay Aklan sang Agosto 29 sang kaagahon. (JoMaque)