(UPDATE) Abogado sang mga Odicta-Atty. Marbhen Lumbo, plano magfile sang kaso sa PDEA operatives
Iloilo City–Nagaplano si Atty. Marbhen Lumbo nga mag-file sang counter charge batuk sa mga operatiba sang Philippine Drug Enforcement Agency ukon PDEA 6 nga nagserbe sang search warrant kay Melvin Odicta Jr alyas Vin-Vin sa ila balay sa Malipayon, City Proper kahapon.
Suno kay Atty. Eugenio Original, abogado ni Lumbo, bisan ang Integrated Bar of the Philippines ukon IBP-Iloilo ang nagaplano man nga mag-file sang kaso batuk sa PDEA operatives matapos ginkasuhan sang obstruction of justice si Lumbo. Ginkuwestyun ni Original kon ngaa kinahanglan arestuhon si Atty. Lumbo nga nagahimo man lang sang iya trabaho bilang abogado sang pamilya Odicta sang ginkwestyun sini ang pag-ukay sang PDEA agents sang mga alahas kag kwarta bisan shabu ang nabutang sa ila search warrant.
Gin-release kahapon sa custody sang PDEA 6 si Lumbo matapos nagpiyansa sang P6, 000 sa kaso nga obstruction of justice.
Suno kay Original, magadepende na kay Lumbo kun ano nga kaso ang plano niya i-file batuk sa mga PDEA operatives. (AGB)
hopefully may maayo nga resulta ining natabo. ultimately sa akun pagha-um haum ang PDEA/Pulis kag ang Atty kag in extention ang IBP mag himo sang protocol/guidelines para maistablisar ang decorum during serving of a search warrants.