Total ban sang palupok sa New Year Celebration, suportado sang BFP-Iloilo City

Iloilo City–Suportado sang Bureau of Fire Protection ang ginaduso ni DOH Secretary Paulyn Ubial nga magpirma si Presidente Rodrigo Duterte sang Executive Order agud i-ban ang pagamit sang firecrackers kag pyrotechnics sa New Year Celebration.

Apang bilang abogado, mas maayo suno kay City Fire Marshal Fire Supt. Jerry Candido nga magpasar na lang sang laye para sa total ban sang mga palupok. Nagalaum man si Candido nga maplanuhan sang city government ang pagpahamtang sang lugar sa kada distrito agud hiwatan sang fireworks display para sa mga pumuluyo.

Mas maayo ini nga paagi suno kay Candido sa baylo nga magpalupok sa kada balay sa pagsug-alaw sang bag-ong tuig. Katuyuan man sini nga malikaw sa disgrasya ang mga pumuluyo kag malab-ot ang safe nga pag-selebrar sang New Year. (AGB)