179 ka freelance sex workers nga narecord sang Task Force on Moral and Values Formation, malaka na nga makita sa dalanon bangud ginapangdakup!

Iloilo City–179 ka mga freelance sex workers nga narecord ang Task Force on Moral and Values Formation nga nagatransaksyon sa syudad.

Suno kay Task Force Head Jorge Duron, ang mga freelance sex workers naga-edad sang 18 tubtub 40-anyos kag may yara sang single, single-parent kag ang iban ang may bana.

Sa record sang Task Force, 48 ka mga freelance sex workers ang street-based ukon makita nga nagatambay sa dalanon kag nagatransaksyon samtang 61 naman ang casa-based. Ginpahayag ni Duron nga gina-require nila nga magpaidalum sa pap smearing ang mga freelance sex workers agud masiguro nga wala sila sang sexually transmitted disease.

Regular naman suno sa iya nga naga-conduct sang saturation drive ang Task Force agud nga madakup ang mga freelance sex workers gani kalabanan sa ila ang halos indi na makita ilabe na ang mga street-based.

Gina-engganyo ni Duron ang mga freelance sex workers nga magpa-idalum sa libre nga skills training program sang syudad agud may yara sang regular nga trabaho. (AGB)