Away sa duta, ginasunod nga motibo sa pagtiro patay sa lalaki sa San Enrique

San Enrique, Iloilo–Gintiro patay ang lalaki bangud sa ginpahayag away sa duta. Nasapwan si Adonis Tedios, 36-anyos sang Barangay San Antonio, San Enrique nga may duha ka pilas sa dughan, tiyan kag tuo nga paa.

Suno kay SPO1 Jason Supio, OIC sang San Enrique Police Station, kahapon natabu ang insidente apang kaina sang kaagahon lang nasapwan ang biktima sa guwa sang ila balay. Ginatudlo nga mga suspetsado ang duha ka tiyo ni Tedios nga sanday Efren Alada, 60-anyos, kag Henry Alada, 52, lunsay sang Passi City.

Nagaguwa sa imbestigasyon sang police nga nagatambay sa guwa sang ila balay ang biktima sang nag-abot ang duha ka mga suspetsado nga sakay sa motorsiklo kag gintiro sang makapila ka beses si Tedios.

Madasig nga nagpalagyo ang mga suspetsado apang nabilin ang ila motorsiklo malapit sa crime scene matapos nabugto ang kadena. (AGB)