City Council, ma-coordinate kay Sen. Franklin Drilon sa plano nga butangan sang lion marker ang Esplanade

Iloilo City–Ma-coordinate ang mga katapo sang City Council kay Sen. Franklin Drilon sa plano sang Lions Club nga magbutang sang daku nga estatwa sang leon sa Esplanade 2 sa San Pedro, Molo.

Gin-defer sang konseho ang chairman’s report ni Councilor Candice Tupas sang Committee on Tourism and Historical Affairs tuhoy sa plano bangud kinahanglan pa mga-coordinate kay Drilon. Suno kay Councilor Ely Estante, si Drilon ang nagpanikasog agud mapa-obra ang Esplanade gani naghisugot sila sa konseho nga mag-coordinate sa senador bilang respeto. Ginakonsiderar man ang posibilidad nga may mga proyekto pa si Drilon nga idugang sa Esplanade.

Ginpa-athag naman ni Estante nga simbolo sang volunteerism ang lion marker. Nauna na nga ginpabutyag nanday Councilors Reyland Hervias kag R. Leone Gerochi nga wala sila sang nakita nga problema sa plano. (AGB)