Motibo sa pagtiro patay sa pulis nga nagpamiesta sa Dumangas, indi pa matumod sang kapulisan

Dumangas, Iloilo — (UPDATE) Indi pa matumod sang dumangas police ang motibo sa pagtiro patay kay spo1 sherwin arondain sa barangay PD monfort north dumangas sang sabado sang gab-i.  Suno kay Chief Inspector Rene Obregon, hepe sang Dumangas Police Station, lakip sa mga motibo nga ila ginasunod amu ang indi pag-intiendihanay sa tunga ni SPO1 Arondain kag sang suspect nga si Rolly Lete alyas Batik, 41-anyos sang Barangay Tubungan, Barotac Nuevo.  Gina-verify man ang report nga may natabu nga komosyon sa balay nga una ginpamiestahan ni Arondain.

Posible man suno kay Obregon nga may kaangtanan sa trabaho ni arondain ang pagpatay sa iya//   Nagapabilin nga preso sa Dumangas Police station si lete samtang ginapangita naman ang duha pa ka lalaki nga ginapatihan upod ni Lete kag na-istorya sang biktima antes natabo ang krimen