Pwersa sang 82nd Infantry Batallion sang Philippine Army, Gindeploy sa Marawi City!

Gindeploy subong nga aga sa Mindanao partikular sa Marawi City ang bilog nga pwersa sang 82^nd Infantry Battalion sang Philippine Army nga naka-base sa Camp Monteclaro sa Miagao.Ginkonfirmar ni Lieutenant Colonel Vener Morga, commander sang 82^nd IB nga nabaton niya sang Huwebes ang mandu nga i-deploy sila sa Mindanao. Isa ka adlaw lang ang ginhatag sa mga soldado agud magpreparar antes gindeploy sakay sa duha ka C-130 sang Philippine Army. 525 tanan ka soldado sang 82^nd lakip ang 19 ka opisyal ang nadala sa deployment agud magbulig sa mga tropa sa Mindanao ilabe na sa Marawi City nga gin-atake sang local terror group nga Maute.Naghiwat kahapon sang misa sa Camp Monteclaro kag nagsalo ang mga soldado sa simple nga boodle fight. (NemesioMartirez)