Professor sang UP Visayas kag Drug Policy Researcher, ginhatagan sang maayo nga grado ang ikaduha nga SONA ni Pres. Duterte

Iloilo City — Maayo ang grado ni Presidente Rodrigo Duterte sa kampanya kontra illegal nga druga.  Ginkilala ini ni Professor Clyde Gacayan sang UP Visayas sa ikaduha nga State of the Nation Address sang presidente kahapon. Bilang drug policy researcher, ginpabutyag ni Gacayan nga amat-amat nga may pagbag-o sa polisa ni Duterte sa drug war. Ginalauman ni gacayan nga mas tutukan sang Duterte administration kon paano mabuligan ang mga drug dependents matapos ginpabutyag sang presidente nga ginahatagan niya sang balor ang kabuhi sang tawo. Ginkilala man ni Gacayan ang mga pagtinguha ni Duterte batuk sa corruption, pagpaayo sang health care, procurement kag pagpatuman sang nationwide smoking ban. Kinahanglan naman suno kay Gacayan sang presidente nga mangin consistent siya sa iya statements pareho sang pag-address niya sa isyu batuk sa CPP-NPA