Facial sketch sang lalaki nga suspek sa tuyo nga pagkuha sa 11-anyos nga estudyante nga babaye sa Tigbauan, ginpaguwa na sang police!

Tigbauan, Iloilo–Natapos na ang official sketch sang Tigbauan police sa lalaki nga ginpahayag nagtuyo magkuha sa Grade 6 pupil nga babaye sa Barroc Elementary School sang damlag lang.

Suno kay PSI Hermogenes Eulatic, hepe sang Tigbauan Police Station, halin sa Iloilo Police Provincial Office ang sketh sang lalaki base sa description sang estudyante kag tanod nga nakakita sa iya. Wala naman nahimuan sang sketch ang babaye nga upod sang lalaki bangud indi na madumduman sang estudyante.

Sang ginpakita sang Aksyon Radyo Iloilo ang kopya sang sketch sang lalaki sa iban pa ginpahayag gintuyo pasakyon sa van, ginkunfirmar sang isa nga may anggid ang nagtuyo magkuha sa iya sa lalaki sa sketch.

Sa pinakaulihi nga record sang Aksyon Radyo Iloilo kag pulis, naglab-ot na sa pito ka insidente sang tuyo pagpasakay sa mga bata nga babaye sa salakyan ang natabu sa syudad kag probinsya subong nga tuig. (AGB)