60 MM mortar, ginbaligya sa junk shop sa Maasin

Maasin, Iloilo — Napuhag ang mga pumuluyo sa Brgy. Magsaysay, Maasin matapos ginbaligya sa junk shop ang 60 mm mortar kahapon. Gilayon naman nga nagresponde ang Explosives and Ordnance Division, Special Weapons and Tactics kag Maasin police kag gindetonate ang explosive apang nadiskubrehan nga wala na ini sang pulbura. Suno kay Inspector Felix Alianza Jr, hepe sang Maasin Police Station, ginbaligya sang naga-scrap nga si certain Buday ang explosive kay Flor Catalan sang Niño’s Junk Shop. Panahon pa sang mga hapon ang nakita nga 60 mm mortar suno kay Alianza. | (JoMaque)